As augas abertas foron unha das disciplinas máis destacadas no verán en Galicia. A Federación Galega de Natación impulsou o circuíto autonómico desta modalidade, que finalizou o domingo 13 en Ribeira, e colaborou co seu homólogo portugués para formar parte do circuíto luso-galaico. Os nadadores enfundaranse o neopreo este domingo para poñer fin a un verán con moito movemento nas augas abertas.
