A Escola Oficial Náutico-Pesqueira de Ribeira acolleu a V Xornada de Pesca organizada pola OPP83, un foro que este ano puxo o foco no vindeiro marco financeiro comunitario 2028-2034 e no futuro posFEMPA. Baixo o lema de adaptar as axudas á diversidade da frota, dende a organización reclamouse un fondo específico que garanta a competitividade e a mellora das condicións laborais a bordo.
Na mesma liña, a conselleira do Mar, Marta Villaverde, apelou á unidade de acción entre administracións e sector para que Bruxelas escoite a voz de Galicia, a primeira rexión pesqueira de Europa, exixindo fondos suficientes e menos burocracia.
