Con só tres días de colexio ás costas, a indignación instalouse na comunidade educativa de Palmeira. A nova adxudicación do transporte escolar en mans da empresa Monbus traduciuse en atrasos inasumibles e rutas fantasma. Dun total de catro autobuses asignados ao centro, hoxe mesmo ningún apareceu a tempo, o que obriga os menores a perder horas lectivas fundamentais.
