A Comisión 8ª do Parlamento de Galicia de Pesca e Marisqueo desenvolveuse este martes e unha das cuestións sobre as que se debateron foi o nivel de execución do orzamento da Consellería do Mar no exercicio 2025. As contas do departamento dirixido por Marta Villaverde ascendían aos 220,69 millóns de euros e o BNG solicitou ao mesmo información para coñecer a súa execución. Pero a súa portavoz na comisión, Rosana Pérez, sinalou que a súa petición non foi atendida ata agosto cando recibiron unha carta na que non se respondía a súa cuestións.
