O titular de Sanidade, Antonio Gómez Caamaño, compareceu hoxe no Pazo do Hórreo para detallar o Plan de Reforma da Atención Primaria 2026-2030, dotado con 320 millóns de euros. As contas autonómicas do vindeiro ano incrementarán a partida da primaria nun 6,1%, alcanzando así a contía histórica de 1.854 millóns de euros e permitindo financiar as primeiras 136 prazas estruturais das 644 previstas no plan.
