Esta mañá déronse a coñecer os datos relativos ao paro no mes de xullo e Galicia volve a bater récords. A comunidade alcanzou por segundo mes consecutivo o máximo histórico de afiliacións á Seguridade Social con 1.135.950 cotizantes. Ademais rexistrouse o menor número de persoas desempregadas nun mes de xullo dende que hai datos, con 107.322 persoas paradas. Datos sobre os que afondou a directora xeral de Formación e Cualificación para o Emprego, Zeltia Lado.

