Jealsa Foods segue a rexistrar un crecemento constante, algo que se confirma coas últimas cifras acadadas pola compañía boirense no 2025. A firma pechou o pasado ano cunha facturación de 825 millóns de euros, fronte aos 781 millóns rexistrados no 2024. Esta evolución supón un incremento de 44 millóns de euros, equivalente ao 5,6%. Este crecemento xunto a un fluxo de caixa de 60 millóns de euros reflicten a estabilidade e a capacidade da conserveira de seguir medrando nun contexto económico e sectorial esixente.
