O Noia Portus Apostoli segue a anunciar novos nomes que formarán parte da disciplina branca a vindeira campaña. A incorporación de novos xogadores está a deixar calidade e xuventude no equipo, sumada ás renovacións que se foron anunciando, como a de Thierry. Nesta ocasión trátase dun reforzo para o equipo técnico xa que Luis Martínez Somalo, Luisma, regresa ao conxunto noiés como segundo adestrador de David Palmas
O rioxano xa sabe o que é defender os intereses do Portus Apostoli porque na súa etapa como xogador vestiu de branco na campaña 2020/2021. Colgou as botas no Albelda FS e colleu as rendas do conxunto da Rioxa ata a tempada 2024/2025, conseguindo nese período dous ascensos á Segunda División “B”.
O curso pasado deu o salto á Segunda División, onde adestrou ao Vulcanizados Ruiz Tafa, equipo que se cruzou no camiño do Portus Apostoli na cuarta eliminatoria da Copa do Rey. Agora Luisma formará parte do equipo técnico do conxunto noiés, que lle deu a benvida de novo á súa casa.