Noia vivirá a súa celebración máis característica do 17 ao 19 de xullo. A Feira Medieval tomará as rúas da vila en todos os sentidos para que a veciñanza e os visitantes desfruten dunha festa recoñecida a nivel galego. Este ano terá novidades xa que o propio concello é o organizador do programa, da dinamización e da decoración. Decisión tomada para recuperar a súa esencia e impulsala.
