O verán é a época das vacacións. A meirande parte dos traballadores aproveitan este período para tomar un descanso da rutina, descansar e desfrutar do bo tempo. Na sanidade pública non é diferente e son moitos os profesionais que desfrutan dos seus correspondentes días. Sen embargo entre os pacientes hai un ano máis o temor da saturación do sistema coa chegada de máis persoas ás vilas e a redución do persoal nos centros de saúde de hospitais. O conselleiro de Sanidade, Antonio Gómez Caamaño, garantiu en Ribeira o correcto funcionamento da rede sanitaria neste período estival.
