A Garda Civil esclareceu tres presuntas agresións sexuais rexistradas no núcleo urbano de Milladoiro, en Ames. O detido é un home de 45 anos, residente en Silleda, ao que se lle atribúen os tres feitos.
A investigación comezou o pasado mes de maio tras a denuncia dunha das vítimas. Segundo as declaracións oficiais, a moza foi abordada de improviso e de maneira intimidatoria nas inmediacións da súa vivenda, logrando finalmente escapar e pedir axuda.
