O Campionato de España de Traiñeiras dispuado en Meira, Moaña, deixou unha xornada moi positiva para o remo da comarca do Barbanza.
Na categoría veterana mixta, o Club de Remo Esteirana proclamouse campión de España por segundo ano consecutivo, impoñendo a súa lei con autoridade e avantaxando en máis de dez segundos ao Zumaiako. O bronce foi para o equipo de Club de Remo Muros, que completou unha actuación destacada.
Tamén houbo presenza no podio na categoría veterana feminina, onde o Club de Remo Cabo da Cruz acadou a medalla de prata tras unha dura regata fronte a Cangas e Samertolomeu.
Na categoría masculina, os equipos barbanzáns non lograron entrar na final A, aínda que Cabo da Cruz e Rianxo pelexaron na final de consolación, nun campionato dominado polas embarcacións vascas na categoría absoluta.
