A Copa Sálvora puxo o broche final á súa edición deste ano coa disputa dos encontros da categoría infantil, nunha xornada marcada polo dominio do Cidade de Ribeira.
O equipo ribeirense alzouse co título da fase de ouro tras superar ao Villestro na gran final. O podio completárono o Val Miñor, terceiro clasificado, e o Porriño Industrial, que rematou na cuarta posición.
O éxito local non quedou aí. O Cidade de Ribeira B tamén logrou impoñerse na fase prata, conseguindo así que os dous títulos da competición quedasen na casa, demostrando así a boa racha que levan tras de sí os equipos da categoría infantil.
