O sector cerqueiro reclamaba ao Goberno central, e máis en concreto ao Ministerio de Pesca, que este ano non se incrementara a cota diaria de sardiña a partir do 1 de xuño. A menor cantidade destinada á flota nacional e o consumo xa realizado da cota eran dous factores que sinalaban os profesionais para reducir a cantidade a pescar. As súas peticións foron escoitadas e co inicio do vindeiro mes capturarase menos sardiña.

