Hai dous anos o baloncesto galego perdía a un representante na ACB. O Monbus Obradoiro descendía logo dunha campaña moi difícil e agora, logo de dous anos na Primeira FEB, os santiagueses veñen de firmar o seu regreso á máxima categoría do baloncesto nacional. O equipo, dirixido por Diego Epifanio, pechou a fase regular como campión con 28 vitorias e catro derrotas certificando o seu regreso á ACB. Esta mañá o equipo foi recibido no pazo de Raxoi polo presidente da Xunta, Alfonso Rueda, quen felicitou a todos os implicados neste ascenso.
