O inverno deixou unha gran pegada no marisqueo galego logo de que o tren de temporais que descargou na comunidade reducira de forma drástica a salinidade do mar e provocara a mortaldade do marisco. Un dos puntos afectados é Cabo de Cruz, lonxa que non ten actividade dende xaneiro. O Instituto Social da Mariña anunciou a finais do mes de abril que propuxo a exención do pago da Seguridade Social ás mariscadoras sen ingresos. Medida reclamada polo sector pero que antes de ser efectiva ten que ser aprobada no Congreso.
