O Concello de Ribeira será novamente beneficiario dunha subvención autonómica para desenvolver o obradoiro dual de emprego Tahume XI. A contía, que supera os 546.000 euros, procede da Consellería de Emprego, Comercio e Emigración e permitirá dar continuidade a un programa xa consolidado na zona.
Este obradoiro, que se realiza en colaboración co Concello do Porto do Son, combina formación teórica e práctica co obxectivo de mellorar a empregabilidade das persoas participantes.
