O pasado 2 de maio, o pavillón Alonso Rodríguez foi escenario dun encontro decisivo. O CB Berberecho de Noia recibía ao Seis do Nadal-Coia nun duelo directo por manterse na competición.
Os noieses responderon cun sólido partido, logrando impoñerse por 70 a 63 nun choque moi disputado de principio a fin. Esta vitoria supón un impulso anímico importante para o equipo, que segue loitando por asegurar a súa continuidade na categoría.
Ata o momento, o Berberecho suma 3 vitorias en 10 encontros nesta fase, fronte a 7 derrotas, uns números que os sitúan na quinta posición da táboa.
Co final da competición cada vez máis preto, o equipo encara agora un novo reto: na xornada 13 desparazaranse para enfrontarse ao Optica Cambre o vindeiro 10 de maio.
Quedan só dúas xornadas para o remate, e cada partido será decisivo.
