Logo de case dúas semanas de concentracións ás portas do Hospital da Barbanza, días de espera e peticións ignoradas, a Plataforma en Defensa da Sanidade Pública do Barbanza conseguiu a resposta agardada. Despois de anos e diversas solicitudes de reunión coa xerencia da área sanitaria e coa dirección do centro hospitalario, por fin hai data e hora para este encontro. Algo que anunciaron na tarde de onte, xusto antes da actuación de Quico Cadaval ás portas do hospital.
