Esta noite houbo máis movemento do habitual no interior do Hospital da Barbanza. Membros da Plataforma en Defensa da Sanidade Pública da comarca pasaron a noite no hall do centro hospitalario como medida de protesta. A entidade solicitou formalmente reunirse co xerente da Área Sanitaria, Ángel Facio, e co director do hospital, Hugo Pérez, para coñecer a situación real das listas de agarda e as medidas para combatelas. Pero non tiveron resposta.
