Esta mañá completouse a creación da Mesa do Comercio de Galicia, órgano colexiado consultivo e de participación que exercerá de instrumento para unha mellor colaboración entre as administracións públicas e os axentes implicados na defensa, fomento e mellora do tecido comercial galego. O conselleiro de Emprego, Comercio e Emigración, José González, presidiu o acto e sinalou que esta ferramenta permitirá mellorar a gobernanza e a colaboración público-privada para impulsar o sector.

