O Auditorio Municipal da Casa da Cultura de Outes foi o escenario do acto final do proxecto Renatur_Outes, unha iniciativa que durante tres anos traballou na recuperación do río Tins ao seu paso polo municipio.
Un dos momentos máis destacados da xornada foi a sinatura do acordo de custodia fluvial, un compromiso entre o Concello de Outes, a Fundación CEER e a Fundación Montescola para garantir a conservación, seguimento e posta en valor do río a longo prazo.
