O conselleiro de Sanidade, Antonio Gómez Caamaño, acompañado do xerente do Servizo Galego de Saúde, José Ramón Parada, e do director xeral de Asistencia Sanitaria do Sergas, Alfredo Silva, mantivo unha reunión telemática cos xerentes das áreas sanitarias. Xuntanza impulsada para avaliar o impacto da folga nacional contra a reforma do Estatuto Marco promovida polo Goberno central e da folga indefinida en atención primaria. O responsable do departamento fixo un chamamento á ministra da rama, Mónica García, e do persoal sanitario para abrir o diálogo e frear estes paros. Gómez Caamaño apuntou que dende o inicio en decembro das protestas suspendéronse 188.645 actos médicos.

