Segundo explica o voceiro do PP de Noia, Santiago Freire, a polémica xorde despois de que o tenente de alcalde afirmase nun pleno que, por primeira vez, a liquidación do orzamento estaba lista no mes de febreiro. Con todo, cando os populares solicitaron acceso a esa documentación días despois, aseguran que o alcalde lles denegou a petición argumentando que a información aínda non estaba elaborada.
