O anuncio fíxoo o presidente Pedro Sánchez durante unha intervención internacional e pretende dar resposta á crecente preocupación social polo impacto das redes nos menores. Segundo o Executivo, o obxectivo é garantir un espazo dixital máis seguro, evitando situacións de abuso, exposición a contidos prexudiciais ou dinámicas aditivas.
A futura regulación obrigará ás plataformas a implantar sistemas efectivos de verificación da idade, de xeito que non abondará con declarar unha data de nacemento falsa para acceder ás redes. Ademais, as empresas pasarán a ter responsabilidade legal directa se non cumpren as ordes de retirada de contidos ilícitos, como mensaxes de odio ou material ilegal.
Desde o ámbito educativo, a medida está a ser maioritariamente ben recibida, xa que existe unha preocupación crecente polo uso intensivo das redes entre menores. Aínda que existen dúbidas sobre como se fará realmente efectiva esta limitación.

