O pleno do Concello de Noia aprobou onte os orzamentos municipais para 2026, froito dun acordo entre o goberno local e o BNG. Con contas que ascenden a máis de 14,7 millóns de euros, medio millón máis ca no último exercicio, e que poñen o foco na racionalización do gasto e na prioridade dos servizos básicos.
O acordo foi presentado no Salón de Plenos coa presenza dos representantes do goberno local e os partidos de oposición. O primeiro en intervir foi o voceiro do BNG, Ricardo Suárez, quen definiu estas contas como “o acordo da auga”, polo forte investimento en saneamento e abastecemento.
