Este luns día 19 os barcos pesqueiros de toda España estarán amarrados aos portos e as súas lonxas deixarán de funcionar. Así o acordaron as confrarías de todo o Estado logo da reunión telemática mantida na tarde de onte na que participaron 115 pósitos. Os profesionais do mar deteñen a súa actividade cunha folga indefinida que arranca o luns 19 e que está secundada por todos os pescadores en resposta ás últimas medidas que entraron en vigor do Regulamento de Control da Pesca impulsado pola UE.

