19 noviembre, 2026
Image default

Os Reis Magos enchen de ilusión e caramelos o Barbanza

En Ribeira, os Reis Magos chegaron a bordo dun autobús antigo dos anos 50 sorprendendo a grandes e pequenos. Durante a mañá, visitaron as parroquias e o hospital, e a cabalgata, que percorreu o centro da cidade, repartiu dous mil quilos de caramelos e bolas con sorpresas.
No caso da Pobra, os Reis Magos optaron por descapotables para percorrer as parroquias e achegarse á residencia de maiores. A comitiva saíu do muelle comercial e percorreu o centro da vila, antes de rematar a súa xira no pavillón de Venecia cunha gran festa.
En Boiro, a cabalgata foi un espectáculo de música e luces, cunha gran comitiva de oito carrozas e grupos musicais. O percorrido partiu desde A Magdalena, chegando á praza de Galicia, onde se celebrou a recepción oficial dos Reis.
Xa en Rianxo, os Reis Magos chegaron ao porto a bordo dun barco bateeiro. Tras o desembarco, as súas maxestades puxeron rumbo ao pabellón municipal, onde agardaba o belén vivinte. No desfile tamén destacaron vehiculos decorados con motivos mariñeiros que reforzaron o vínculo co mar.
En Muros, as carrozas reais saíron pola tarde desde Laxeiras e percorreron o municipio ata O Curro da Praza. Desta vez, os romanos a cabalo destacaron no desfile, ofrecendo unha estampa espectacular. O percorrido rematou cunha merenda e a tradicional visita ao belén vivente.
A xornada de Noia foi especialmente sensible, xa que se organizou un acto matinal adaptado para máis de 160 nenos e nenas TEA, grazas á colaboración do Concello e as asociacións Barbantea e Alquinoia. Pola tarde, sete grandes carrozas percorreron as rúas de Noia.
Lousame recibiu aos Reis Magos na Casa da Cultura. Unha das novidades foi a creación de horarios sen música e con luz tenue, permitindo que os nenos con necesidades especiais tamén puideran disfrutar da festa sen sobresaltos. O evento foi un exemplo de inclusión e accesibilidade.
A maxia comezou cedo en Porto do Son, onde os Reis percorreron o municipio en carroza, visitando as parroquias e o centro de día. Ao final da tarde, celebrouse a gran cabalgata na fachada marítima, un evento cargado de música e ilusión.
A xornada continuou en Outes, onde a recepción real tivo lugar no pabellón de Serra de Outes. Pola tarde, a cabalgata percorreu as rúas do municipio, antes de rematar cunha gran chocolatada na praza de Galicia, facendo felices a todos os presentes, nenos e maiores por igual.

Related posts

O MEXILLÓN REDUCE A SÚA CALIDADE DESPOIS DO VERÁN

CloudyX

A FEDERACIÓN GALEGA DE NATACIÓN BUSCA LÍDER

CloudyX

OS EQUIPOS DE EMERXENCIAS DA COMARCA INCREMENTAN AS SÚAS SAÍDAS POLAS INCIDENCIAS REXISTRADAS CO ARRANQUE DO MAL TEMPOOS EQUIPOS DE EMERXENCIAS DA COMARCA INCREMENTAN AS SÚAS SAÍDAS POLAS INCIDENCIAS REXISTRADAS CO ARRANQUE DO MAL TEMPO

CloudyX