A decisión tomou forma despois de constatar que arredor de 2.000 mozos que estaban esperando poderán finalmente beneficiarse do bono que facilita o alugueiro de vivendas. A conselleira indicou que estes fondos destinaranse a apoiar aos máis novos, que seguen a enfrontarse a dificultades para acceder a un mercado inmobiliario cada vez máis complicado.
Na súa intervención, Allegue detallou que a ampliación do bono se financiará con fondos estatais que chegarán á comunidade ao final deste ano. Segundo as súas palabras, non haberá unha nova convocatoria, senón que se priorizará ás persoas que quedaron en lista de agarda. Esta medida busca resolver de forma inmediata unha parte da problemática habitacional dos mozos.

