No que vai de 2025 producíronse varios cambios nos gobernos municipais por toda Galicia. No Barbanza rexistráronse dous: en Outes no mes de febreiro e en Noia o pasado agosto. No municipio outiense pasaron de gobernar Compromiso Outes, BNG e PSOE a facelo o PP e o socialista Tono Caamaño, mentres que en Noia deixaron o Executivo PP e NOIA en prol de PSOE, En Marea e o concelleiro non adscrito Luis Alamancos. A semana pasada houbo cambio de alcalde en Lousame pola renuncia de Teresa Villaverde, e agora Esteban Ares ostenta o bastón de mando. Cambios de poder que se puideron dar grazas á sentenza do constitucional na que se elimina a norma que impedía unha moción de censura se dependía do voto dun tránsfuga. Algo que se deu en Outes e Noia.
