Ribeira vibrou cunha nova edición da concentración moteira impulsada polos ReventaPistóns. Máis de 3.000 motos participaron ao longo desta fin de semana nas actividades impulsadas polo motoclub nunhas xornadas nas que non faltaron as exhibicións nin as rutas en moto para coñecer Ribeira e a súa contorna. Segundo a organización pasaron polo municipio preto de 4.000 persoas chegadas de diferentes puntos de Galicia e doutras comunidades.
