Todo comezou cunha denuncia dunha estación de servizo en Estella, Navarra, que pagou máis de 41.000 euros a unha falsa distribuidora. A partir de aí, a Garda Civil detectou que a rede operaba en varias provincias do país. As comarcas barbanzás, Boiro e Noia, foron das afectadas ante esta rede de estafa.
O grupo usaba identidades falsas, documentos manipulados e máis de 100 liñas telefónicas de prepago para levar a cabo as estafas. As vítimas realizaban transferencias bancarias a conta dunha empresa que parecía lexítima, pero os códigos de carga eran falsos.
Durante a operación, recuperáronse preto de 400.000 euros e identificáronse a 11 persoas que colaboraban coa rede, actuando como ‘mulas económicas’. Estes facilitaban contas bancarias para retirar os fondos rapidamente.
A operación OCTAYEN supuxo a desmantelación dun grupo criminal altamente especializado. As detencións foron remitidas ao Xulgado de Estella, e a investigación segue aberta.

