O conselleiro de Educación, Román Rodríguez, presentou as principais cifras e novidades do novo curso escolar que arrancará o 8 de setembro. Sinalou que está todo listo logo de meses de preparación e apuntou que a Xunta avanza na modernización e mellora do ensino, contando con máis docentes e reducindo as ratios a pesar da caída da natalidade. De feito, Rodríguez afirmou que Galicia contará con 302.843 alumnos, 4.255 menos que hai un ano e case 20.000 menos que hai unha década.

