Galicia dá un paso adiante na innovación costeira coa presentación do SEALabHaus, o primeiro laboratorio dixital do Espazo Atlántico, que ten como obxectivo impulsar a economía azul e promover o patrimonio cultural e natural das zonas costeiras. A conselleira do Mar, Marta Villaverde, participou na súa presentación, destacando a importancia desta plataforma para as entidades mariñeiras e as comunidades locais.
