O boxeo regresou con forza á comarca na velada SKT que se viviu o sábado no pavillón de Santa Irene, en Porto do Son, e do que desfrutaron 400 espectadores. Había programados 11 combates: un profesional, tres neoprofesionais e sete amateurs. O espectáculo estivo servido e un dos protagonistas da xornada foi Silvestre Gómez. O boxeador do SKT tiña un gran reto por diante xa que ía participar na súa segunda pelexa profesional ante o rumano Marius.
