O 2025 está a ser o Ano Castelao para conmemorar o 75 aniversario da súa morte. E neste escenario estanse a desenvolver numerosos actos de recordo e homenaxe a este artista e político rianxeiro. Unha delas viviuse na tarde de onte no Auditorio da Biblioteca Municipal da Pobra. Manuel Rei presentou o seu libro “Castelao, desta terra e deste tempo” da man da Asociación Cultural A Trastenda. Trátase dun ensaio co que o autor quere contribuír a divulgar a figura e a obra de Alfonso Daniel Rodríguez Castelao.
