O calor abafante dos últimos días invita a parar nos bares a tomar algo para refrescarnos. Como todos os anos, os meses de máis calor son os de máis afluencia na hostalería, polo que os negocios precisan aumentar o número de traballadores.
Con todo, nos últimos tempos é cada vez máis complicado atopar persoal. O establecemento O Cuco, de Ribeira, publicou hai semanas unha oferta de traballo, recibindo polo momento só dúas respostas.