A Plataforma en Defensa da Ría de Arousa, PDRA, e a Asociación para a Defensa Ecolóxica de Galicia, ADEGA, anunciaron que dan inicio a accións legais para frear a construción da fábrica de celulosa de Altri en Palas de Rei. Os representantes das dúas entidades precisaron que os trámites administrativos da factoría aínda non están rematados, pero quixeron dar este paso conxunto debido ás irregularidades que ven na tramitación do proxecto, sobre todo na concesión de augas. Iniciativa que complicaría máis a vida ás persoas que viven do mar na ría de Arousa.

