A Garda Civil de Boiro vén de deter a catro homes e unha muller como presuntos autores de varios delitos contra o patrimonio no marco da Operación Mansao.
O operativo comezou no verán do 2024 logo do incremento de delitos contra patrimonio ocorridos no municipio. Todos eles foron realizados polos compradores de substancias estupefacentes, normalmente en zonas próximas a puntos de venda.
Segundo fontes policiais, a actividade delictiva cesou unha vez os detidos comezaron a sospeitar que podían estar sendo investigados. Así, o líder da banda, un vello coñecido polos axentes boirenses, só se vía con compradores que subministraban a terceiros. O resto de vendas, controladas aínda así polo cabeza, eran realizadas polos outros compoñentes do grupo.
Unha vez coñecida a identidade dos integrantes, a Garda Civil detivo ás cinco persoas como presuntos autores din delito contra a saúde pública e outro de pertenza a grupo criminal. Durante a operación tamén se incautaron 93 gramos de heroína, 84 de cocaína, 10 de haxix e 4 de marihuana, ademais de 450 euros en moeda fraccionada e útiles para a manipulación e distribución destas substancias.
