O peixe consegue chegar ás pescaderías con normalidade malia o paso do temporal a pasada fin de semana. A gran cantidade de lonxas onde se oferta o produto fixo posible que moitos establecementos dispoñeran de cantidade suficiente durante a semana, tendo moitos deles que aumentar o seu prezo.
Ribeira, Fisterra ou mesmo Vigo son algúns dos lugares onde os comerciantes do Barbanza van mercar grandes cantidades para vender na comarca. O valor de venda non variou en exceso pola chegada do Entroido, un tempo onde baixa o consumo de peixe.
