Un berberecho resistente á baixa salinidade da auga pode ser realidade grazas a unha investigación da Xunta e a USC. O estudo aínda non está rematado pero podería resultar en exemplares capaces de soportar maiores niveis de auga doce que os actuais.
Dende as asociacións de mariscadores ven con bos ollos esta investigación, o que lles axudaría a paliar as perdas no caso de riadas ou temporais que baixen a salinidade das augas mariñas.
No sector apuntan a factores como o cambio climático como un dos culpables desta situación, polo que celebran a chegada deste tipo de estudos.
