Hai case un ano a Dirección Xeral de Recursos Naturais, Seguridade e Servizos Marítimos de Portugal alertaba ao goberno español da perda de seis contedores á altura de Viana do Castelo por parte do buque Toconao. A día de hoxe a Xunta segue reclamando responsabilidades na xestión dos pelets nas costas galegas, polo que presentarán un recurso de alzada demandando culpas á armadora.
A conselleira de Medio Ambiente visitou hoxe a praia de Queiruga en Porto do Son para anunciar que o goberno autonómico presentará un recurso de alzada ao executivo español demandando responsabilidades á armadora polo incidente que derivou nunha marea de pelets en toda a costa galega.
Cifra a conselleira en 2,6 millóns de euros o gasto que supón aos galegos o inmobilismo dende Madrid, calificando de irresponsables as accións do goberno central.