O concello de Noia non esquece o Día Internacional da Eliminación da Violencia contra a Muller. Co gallo desta data, organizan unha serie de actividades como o reparto de material aos comercios e establecementos hostaleiros da vila con contido sensibilizador. Ademais, o día 25 haberá unha concentración nas portas do coliseo Noela na memoria das mulleres asasinadas na que se lerá un manifesto.
Así o presentou hoxe a concelleira de Igualdade, que salientou o carácter sensibilizador e visibilizador da campaña.

