A sede de Congalsa acolleu hoxe a presentación do novo equipo directivo da Entidade Urbanística de Conservación do Polígono Industrial da Tomada, formado polo concello da Pobra do Caramiñal e representantes de empresas do lugar. Durante o encontro manifestouse a necesidade de aumentar o solo empresarial ante a demanda de espazo para atraer novas compañías.
A nova presidenta da entidade, directora de Relacións Externas de Congalsa, destacou a importancia de aumentar a superficie para fortalecer as empresas xa instaladas e atraer outras novas.