A Barquiña, en Noia, está de estrea. Logo de máis dun ano e medio de traballos rematouse a nova glorieta neste punto da vila noiesa, ademais das obras de mellora da travesía AC-550 ata a alameda do municipio. Actuacións que desenvolveu a Xunta nas que se investiron 1,15 millóns de euros. Esta mañá a conselleira de Vivenda e Planificación de Infraestruturas, María Martínez Allegue, supervisou a finalización desta intervención.

