Hai tempo que os polígonos industriais da comarca do Barbanza esgotaron as súas parcelas para acoller a novas empresas ou para atender a ampliacións das que xa están asentadas neles. O BNG reclama dende hai tempo que se cree solo industrial para dotar de espazo edificable ás firmas e recentemente o partido vén de presentar iniciativas ao Parlamento de Galicia para conseguir compromisos da Xunta para buscar solucións a esta situación que os nacionalistas definiron de endémica do Barbanza.
