A CONSELLERÍA DO MAR E AS CONFRARÍAS AVANZAN NO DESEÑO DE NOVAS MEDIDAS PARA O PLAN DE COMPETITIVIDADE E SOSTIBILIDADE DO MARISQUEO

Un dos apartados que máis se está a ver afectado de forma negativa é o marisqueo. Nos últimos tempos as cifras desta actividade extractiva reséntense e o pasado ano foi un dos peores que se recorda pola escaseza de produto e a alta mortaldade vencellada a chegada de auga doce ás rías. Isto foi o que obrigou aos mariscadores de Noia a pechar a súa campaña cando apenas tiñan dúas semanas de traballo. A Xunta acordou poñer en marcha unha liña de axudas para os profesionais que se viron obrigados a deter a súa actividade.