Este sábado a Casa da Cultura da Serra de Outes acolleu a celebración dun pleno extraordinario para homenaxear a Domingo Barreiros. O músico foi distinguido como fillo predilecto de Outes e recibiu un diploma e a correspondente medalla acreditativa, unha peza de prata deseñada por Fernando Gallego. Un emotivo acto no que se destacou a traxectoria de Barreiros no seu ámbito profesional, pero tamén a pegada que deixou como persoa.
