O salón de plenos da casa consistorial da Pobra do Caramiñal acolleu na tarde de onte o pleno ordinario correspondente ao mes de febreiro. A sesión plenaria alongouse case catro horas e nela debatéronse 11 puntos. Dous dos máis relevantes foron as propostas da alcaldía para participar no Plan Provincial de Obras e Servizos da Deputación para o 2024, así como o Adicional para gastos sociais.

