O complexo deportivo de A Fieiteira en Ribeira acolleu este sábado o xa tradicional acto celebrado por Congalsa para dar a coñecer os resultados económicos e as magnitudes básicas da empresa. Na gala, os directivos quixeron poñer en valor a facturación acadada pola empresa no ano 2023, que foi de 151 millóns de euros, un 14% máis que o ano anterior. Ademáis tamén destacaron outro dato que para a empresa é moi importante, o incremento da súa plantilla nun 3%, que fai que alcance os 697 traballadores.